Aktuell - Archiv

24/11/2016 Parlamentarische Fragen Justiz und Sicherheit Max Hahn Alexander Krieps Gusty Graas

Am Service Santé vun der Arméi

Dem Gesetz no sollten 6 Infirmiere am Service Santé vun der Arméi schaffen. Momentan sinn der just 2 agestallt. Dëse Service besteet och aus Zaldote mat enger Formatioun als Secouriste. Nëmmen e puer hätten d’Formatioun als Ambulancier. D’Deputéierte Gusty Graas, Max Hahn a Alexander Krieps hunn ënner anerem beim zoustännege Minister nogefrot firwat dës Posten net besat wieren, op rekrutéiert géif ginn, an op et eventuell gemeinsam Formatioune mat anere Rettungscorpse kéint ginn.

23/11/2016 Parlamentarische Fragen Mobilität und Verkehr Max Hahn

"Gréng Well" vu Käerjeng bis an d'Stad?

Nodeems de Max Hahn gewuer ginn ass, datt e Pilotprojet « Gréng Well »zu Käerjeng virgesinn ass, huet de Deputéierten aus dem Süden a Schäffen an der Gemeng Dippech beim zoustännegen Transportminister nogefrot op dee Projet net iwwert d’Gemeng Dippech bis an d’Stad verlängert ka ginn, well et grad hei wéinst engem inefficacen Ampelsystem an dem Rond-Point all Dag zu Verkéiersproblemer kënnt.

22/11/2016 Parlamentarische Fragen Sport und Freizeit Claude Lamberty Max Hahn

INS: Op wéi eng Sécherheetsnorme bezitt sech de Minister?

Den DP-Deputéierte Claude Lamberty huet virun engem Mount beim Sportminister nogefrot, ob déi geplangte Sportshal um INS net kéint vergréissert ginn. Et wier genuch Plaz do a virun allen kéint d'Hal an deem Fall vu méi Sportaarte genotzt ginn. De Sportminister huet doropshi geäntwert, datt dëst ee Verletzungsrisiko fir d'Sportler géif mat sech bréngen an datt hien net gewëllt wier un de Zäitplang fréckelen ze goen. An dem Kontext, froen d'DP-Deputéiert Claude Lamberty a Max Hahn no, op wéi eng Standarden a Normen de Minister sech bezitt, ob déi fir all Hal gëllen a vu wiem déi géife kontrolléiert ginn. A wat heescht dat fir d'Strategie fir de nationale Sportsite INS?

21/11/2016 Parlamentarische Fragen Gesundheit und Pflege André Bauler

En Dictionnaire fir Patienten?

Et besteet an eise Kliniken eng Demande fir d'Lëtzebuerger Sprooch méi ze gebrauchen. Dofir freet den DP-Deputéierten André Bauler bei der Gesondheetsministesch no, ob et net sënnvoll wier de Patienten en Dictionnaire mat deene geleefeste medezineschen Termen un d'Hand ze ginn.

21/11/2016 Parlamentarische Fragen Landesplanung und Wohnen Max Hahn

Soziale Wunnengsraum

De 16. November hat de Logement-Ministère op eng Table Ronde zum Thema « Soziale Wunnengsbau an der Zukunft » invitéiert. D'Iddi ass opkomm, fir aus deene sëlleche Waardelëschten am "logemengt social" eng eenzeg ze maachen, esou dass een e besserer Iwwerbléck iwwert d'Situatioun kritt. Den DP-Deputéierte Max Hahn huet beim Logementsminister Marc Hansen nogefrot.

18/11/2016 Parlamentarische Fragen Justiz und Sicherheit Eugène Berger

Haasscommentairen op Facebook

Facebook steet am Moment an der Kritik, well sougenannten Haasscommentairen net geläscht gi sinn. An deem Kontext wëll den Eugène Berger vum Justizminister wëssen, wou d'Efforten drun sinn, fir géint Haassdiscoursen virzegoen an ob och hei am Land eng Enquête misst opgemaach ginn.

16/11/2016 Parlamentarische Fragen Klimaschutz und Energie Max Hahn Alexander Krieps

Asbest richteg entsuergen

Ier et déi Gipsen-Placke gouf, si vill Mauere vun Haiser mat engem Asbest-mix gebaut ginn. Dës Substanz kann awer ganz geféierlech ginn, wann se am Kontakt mat der Loft steet, dat zum Beispill wann des Maueren ufänke mat bréckelen. DP-Deputéierte Max Hahn a Lex Krieps froen dofir bei den zoustännege Ministeren no, op et net néideg wier de Leit bei enger Renovatioun vun esou Maueren entgéint ze kommen.

10/11/2016 Parlamentarische Fragen Landwirtschaft und Weinbau Tiere Gusty Graas

D’Vullegripp ass zréck!

Déi héich ustiechend Vullegripp gouf déi lescht Deeg an Däitschland, Éisträich, Holland an an Ungarn confirméiert. Gouf et och schonn e Fall zu Lëtzebuerg? Wat muss ënnerholl gi wann se och bei eis ausbrécht? Dëst freet den Deputéierte Gusty Graas de Landwirtschaftsminister Fernand Etgen.

10/11/2016 Parlamentarische Fragen Mobilität und Verkehr André Bauler

Vill Verkéier an de klenge Stroossen zu Ierpeldeng/Sauer

Besonnesch an de Spëtzestonnen ass ganz vill Trafic am historesche Kär vun Ierpeldeng/Sauer, dat och well Ettelbréck den Autoen net meeschter gëtt. Den DP-Deputéierten André Bauler freet dowéinst beim zoustännege Minister no, ob een net den CR348 (Waarken-Buerschent) mam Kreesverkéier zu Ierpeldeng/Sauer verbanne kéint.

10/11/2016 Parlamentarische Fragen Mobilität und Verkehr Max Hahn

Gëtt et e Sécherheetsrisiko mat Plättercher?

Op ville Gare vun der Zuchstreck Péiteng-Stad gouf Plättercher vun de Mauere geholl? War do e Sécherheetsrisiko? Wa jo, firwat goufen der just e puer an net all erofgeholl? Dëst freet de Süd-Deputéierte Max Hahn den Nohaltegkeetsminister.

09/11/2016 Parlamentarische Fragen Bildung Landwirtschaft und Weinbau André Bauler

Profils professionnels dans le secteur agricole et viticole

Tout comme dans bien d’autres branches de notre économie moderne marquée par le processus de la digitalisation, les profils professionnels changent également dans le secteur agricole et viticole au sens large du terme.

09/11/2016 Parlamentarische Fragen Klimaschutz und Energie Gusty Graas

Nei Ofgasregelunge fir Auto'en an der EU

D'EU-Kommissioun schafft am Moment u neien Ofgasregelungen fir Auto'en, dat souwuel mat Bensin- wéi och mat Dieselmotoren. Wéi strikt déi nei Wäerter solle ginn, gëtt am Moment verhandelt. Den DP-Deputéierte Gusty Graas freet an dësem Zesummenhang bei den zoustännege Ministeren no, wat d'Positioun vu Lëtzebuerg an dësem Dossier ass.

07/11/2016 Parlamentarische Fragen Arbeit André Bauler

E bessere Kader fir den Télétravail?

Den Télétravail, also d'Méiglechkeet hunn vun doheem aus ze schaffen, kënnt an der Aarbechtswelt ëmmer méi op. Wéi ass d'Situatioun de Moment zu Lëtzebuerg a wat gëtt gemaach fir den Télétravail ze vereinfachen? Den DP-Deputéierten André Bauler freet beim Aarbechtsminister no.

04/11/2016 Parlamentarische Fragen Mobilität und Verkehr Gilles Baum

En ënnerierdesche Passage fir Vëlosfuerer an der Entrée vun Iechternach?

Wann ee mam Vëlo um PC2 vum Kierchbierg op Iechternach fiert, muss een op der Héicht vun der « Lauterburerbaach » iwwert N11 fueren, e Manöver war net ongeféierlech si kann. Och Mountainbike-Fuerer a Wanderer an der Regioun mussen iwwert dës grouss Strooss. Dofir freet den DP-Deputéierte Gilles Baum beim zoustännege Minister no, op et net sënnvoll wier zu Lauterbur en ënnerierdesche Passage ze amenagéieren an esou all dëse Leit d'Liewe méi einfach ze maachen.

02/11/2016 Parlamentarische Fragen Renten Gilles Baum

Och eng "Flexi-rente" bei eis am Land?

An Däitschland gouf elo eng sougenannten "Flexi-rente" agefouert, esou kann een als eeler Persoun seng Aarbechtszäit reduzéieren an dofir en Deel vu senger Pensioun an Usproch huelen. Den DP-Deputéierte Gilles Baum freet no wat an dësem Kader zu Lëtzebuerg geplangt ass, dat och well de Koalitiounsaccord hei weider Effort'en virgesinn hat.

erster
vorheriges
…
30
31
32
33
34
35
36
37
38
…
nächste Seite
letzte

Sie sind hier

SERVICE

PARTEI

PRESSE