Sie sind hier

Parlamentarische Fragen Nachhaltigkeit, Natur- und Umweltschutz Gusty Graas

Regulatioun vun der Kormoran-Populatioun?

Nodeems de Kormoran laang Zäit op der rouder Lëscht stung, hu sech d'Bestänn mëttlerweil sou wäit erholl, dass hien sengersäits schonn zënter enger Rei Joren d'Bestänn vu verschiddene Fëschzorte gefährt. Zu Lëtzebuerg refuséiert den Ëmweltministär allerdéngs d'Populatioun ze reguléieren, mam Verweis op déi europäesch Legislatioun, quitt dass aner Länner wéi Frankräich an Däitschland d'Juegd erlabe fir d'Fëschbestänn ze schützen. Den DP-Deputéierte Gusty Graas huet bei der zoustänneger Ministesch nogefrot, ob de Ministère kloer Zuelen iwwer d'Kormoran-Populatioun huet, wat den Impakt op d'Fësch an eise Gewässer ass, wat déi wëssenschaftlech Begrënnung fir e Juegdverbuet ass an ënner wéi enge Konditiounen d'Ministesch eng Regulatioun vun der Populatioun erlabe kéint.

Parlamentarische Fragen Nachhaltigkeit, Natur- und Umweltschutz Gusty Graas

Nilgänse-Plo: Wat gëtt dogéint ënnerholl?

D'Verbreedung vun den Nilgänsen am Oste vum Land ass eng schwéier Belaaschtung fir déi betraffe Gemengen, déi viru kuerzem an zwee Artikelen an der Press hirer Frustratioun Loft gemaach hunn. Virun allem gëtt d'Verknaschtung duerch dës Déieren ëmmer méi schlëmm, mee och den Impakt op d'Biodiversitéit - duerch d'Verdränge vun indigenen Aarten - stellt e Risiko duer. Den DP-Deputéierte Gusty Graas huet bei der zoustänneger Ministesch nogefrot, wéi vill der Déieren et zu Lëtzebuerg ginn, firwat d'Juegd op dës Déieren hei am Land verbueden ass, wärend se an eisen Nopeschlänner erlaabt ass, an ob d'Ministesch net wëlles hätt, d'Jued ugesiichts vun den aktuellen Zoustänn awer zouzeloossen.

Parlamentarische Fragen Mobilität und Verkehr André Bauler

Camionstrafic zu Ierpeldeng-Sauer

Dem DP-Deputéierten André Bauler ass zu Ouere komm, dass am Moment ganz vill Camionen duerch Ierpeldeng fuere fir an d'Industriezon ZANO ze kommen, amplaz d'B7 respektiv d'N7 ze huelen. D'Belaaschtung duerch dëse villen Trafic fir d'Awunner läit op der Hand. Den André Bauler huet beim zoustännege Minister nogefrot, wat dësen dogéint ënnerhuele wëll.

Parlamentarische Fragen Mobilität und Verkehr André Bauler

Zoustand vun der N7 zu Maarnech

Well den Zoustand vun der N7 tëscht dem Rond-point zu Maarnech an dem Akafszenter an engem ganz schlechten Zoustand ass, huet den DP-Deputéierten André Bauler beim zoustännege Minister nogefrot, ob et net méiglech wier, dësen Ofschnëtt am beschte virum Wanter nach frësch ze maachen.

Parlamentarische Fragen Nachhaltigkeit, Natur- und Umweltschutz Max Hahn Gusty Graas

Verbuet vun der "obsolescence programmée" och zu Lëtzebuerg?

A Frankräich gouf Apple am Februar vun dësem Joer verklot, well se al iPhone-Modeller méi lues gemaach hunn, nodeems en neie Modell op de Marché komm ass. Sou eng bewosst Verkierzung vun der Liewensdauer vun engem Produit, fir d'Clienten dozou ze beweegen, en neie Produit ze kafen, ass net just Bedruch um Client, mee och en immens ineffikassen a verschwendereschen Ëmgang mat eise Ressourcen. D'DP-Deputéiert Max Hahn a Gusty Graas hu bei den zwou concernéierte Ministeschen nogefrot, ob d'Regierung net wëlles hätt, e Gesetz nom franséische Virbild anzeféieren.

Parlamentarische Fragen Medien und ICT Staat und Öffentlicher Dienst Carole Hartmann

Obligatoresch elektronesch Rechnung bei ëffentlechen Ausschreiwungen?

Zënter dem Gesetz vum 16. Mee 2019 ass all ëffentlech Verwaltung verflicht, elektronesch Rechnungen, déi am Kader vun enger ëffentlecher Ausschreiwung erakommen, unzehuelen, wa se gewësse Krittären entspriechen. D'DP-Deputéiert Carole Hartmann huet beim Digitalisatiounsminister nogefrot, wéi vill vun dëser Méiglechkeet Gebrauch gemaach gëtt an ob et virgesi wier, d'Facturatioun obligatoresch komplett digital ze maachen, fir d'Digitalisatioun vun den Entreprisen nach méi staark z'encouragéieren.

Parlamentarische Fragen Gesundheit und Pflege Carole Hartmann Gusty Graas

Wéi gëtt d'Garde vum Urgencendéngscht an der Ophtalmologie organiséiert?

Et ass den DP-Deputéierten, Gusty Graas a Carole Hartmann, zu Ouere komm, datt den CHL neméi un der ofwiesselnder Garde vum Urgencendéngscht an der Ophtalmologie deelhuele wäert. D'Deputéiert hunn der Gesondheetsministesch dozou e puer Froen gestallt. 

Parlamentarische Fragen Mobilität und Verkehr Max Hahn

Bei Stau duerch d'Mëtt iwwerhuelen?

A ville Länner ass et schonn erlaabt an international Etüde weisen, dass et fir Motorradsfuerer och méi sécher ass, bei Stau duerch d'Mëtt z'iwwerhuelen. Den DP-Deputéierte Max Hahn huet beim zoustännege Minister nogefrot, ob et eng Méiglechkeet wier, dës Praxis och hei am Land ze legaliséieren.

Parlamentarische Fragen Landesplanung und Wohnen Wirtschaft Carole Hartmann

Eng besser Landesplanung duerch nei Aktivitéitszonen un de Grenzen

D'Schafe vun neien Aktivitéitszonen ass en zentraalt Instrument fir eng equilibréiert Landesplanung a wirtschaftlech Entwécklung. Besonnesch an der Grenzregioun, a mat Plaz fir Coworking-Strukturen, droen se dozou bäi, de Verkéier an den Zentrum vum Land ze reduzéieren. Aus deem Grond huet d'DP-Deputéiert Carole Hartmann bei den zoustännege Ministeren nogefrot, wou deen Dossier drun ass, wat an Zukunft geplangt ass an ob virgesinn ass, grad Zonen un de Grenzen a mat Coworking-Strukturen ze favoriséieren.

Parlamentarische Fragen Gesundheit und Pflege Sport und Freizeit Claude Lamberty Carole Hartmann

Kënnt eng Reform vun de Centres médico-sportifs?

Am Kader vun der sanitärer Crise, goufen den 23. Mäerz 2020 d'Centres médico-sportifs zougemaach. Véier Centres médico-sportifs ginn iwwert de Summer elo nees op. 

An dësem Kontext, hu sech d'DP-Deputéiert, Claude Lamberty a Carole Hartmann, beim Sportsminister informéiert, wéini déi aner Centres médico-sportifs nees opginn an op eng Reform vun de Centres médico-sportifs geplangt ass. 

Parlamentarische Fragen Landesplanung und Wohnen Nachhaltigkeit, Natur- und Umweltschutz Max Hahn Gusty Graas

Drécheperioden: Privat Reewaasserbasengen fir Drénkwaasser ze spueren?

Duerch déi laang Drécheperiode geroden d'Waasserressourcen zu Lëtzebuerg ëmmer méi ënner Drock, soudass den Ëmweltministère d'Bierger ëmmer nees opfuerdert, spuersam mam Waasser ëmzegoen. D'DP-Deputéiert Max Hahn a Gusty Graas hu bei der zoustänneger Ministesch nogefrot, ob et net eng Iddi wier, Reewaasserbasenge bei privaten Haiser ze fërderen, fir sou manner Drénkwaasser ze verbrauchen fir verschidden Aktivitéiten, wéi z.B. Planzen nätzen asw.

Parlamentarische Fragen Nachhaltigkeit, Natur- und Umweltschutz Gusty Graas

Geriichtlech Poursuite vun Ëmweltverknaschtungen

Laut der Federatioun vun de Lëtzebuerger Sportfëscher géifen dacks Verknaschtunge vu Flëss a Baachen net weider poursuivéiert ginn, och wann de Schëllege bekannt wier. Den DP-Deputéierte Gusty Graas huet bei den zoustännege Ministeren nogefrot, ob dat tatsächlech sou ass a wa jo, firwat.

Parlamentarische Fragen Mobilität und Verkehr André Bauler

Wéi ginn d'Aarbechten op der N7 tëscht Dikrech an Ettelbréck virun?

Wéinst der Corona-Kris hu vill Chantiere Verspéidung kritt. Den DP-Deputéierten André Bauler huet beim zoustännege Minister nogefrot, wéi et mat den Aarbechten op der N7 tëscht Dikrech an Ettelbréck ausgesäit.

Parlamentarische Fragen Landesplanung und Wohnen Max Hahn

Alternativ Wunnformen méi einfach zougänglech maachen

Ëmmer méi Leit entscheede sech gäre fir alternativ Wunnformen, wéi z.B. "tiny houses". Zu Lëtzebuerg ginn et allerdéngs den Ament nach eng Rei Schwieregkeeten, wann een dee Wee goe wëll, z.B. a Bezuch op d'Mindestufuerderunge par rapport zur Gréisst vun enger Wunnunitéit. Den DP-Deputéierte Max Hahn huet nogefrot, wéi d'Regierung et den intresséierte Leit méi einfach wëll maachen, an engem "tiny house" ze wunnen a wéi gläichzäiteg verhënnert soll ginn, dass et op deem Wee zu enger Verbreedung vu prekäre Wunnverhältnisser kënnt.

Parlamentarische Fragen Nachhaltigkeit, Natur- und Umweltschutz Carole Hartmann Gusty Graas

Nei Verknaschtung vun der Sauer zu Iechternach

Op en Neits ass op der Héicht vun der Industriezon zu Iechternach knaschtegt Waasser an d'Sauer gelaf. Wéi et schéngt wier de Schmorri aus engem Kanal komm, deen d'Sauer an d'Industriezon direkt matenee verbënnt. D'DP-Deputéiert Gusty Graas a Carole Hartmann hu bei den zoustännege Ministeren nogefrot, wouhier dës Verknaschtung kënnt a wat um Niveau vun den Infrastrukturen op där Plaz geännert wäert ginn, fir dass sou Virfäll net méi virkommen.